Saturday, September 28, 2013

ငါ ----- လူညံ့



ငါ လူညံ့
ကိုယ့်ဝေဒနာ ကိုယ်မွေးယူတယ်
ငါ လူညံ့
ဖြစ်လေရာတိုင်းကို ညဉ်းညူတယ်
ငါ လူညံ့
ကိုယ်မဟုတ်တဲ့ သူ့ ကို တွေးပူတယ်
ငါ လူညံ့
ပြသနာတိုင်းကို မွေးမြူတယ်
ငါ လူညံ့
လူတိုင်း နဲ့ သဟဇာတ မဖြစ်ဘူး
ငါ လူညံ့
လူတိုင်းအတွက် အညတရ ဖြစ်တယ်
ငါ လူညံ့
ကိုယ့်ခံစားမှု ကို မထိန်းချုပ်နိုင်ဘူး
ငါ လူညံ့
ဒေါသ ကို မချုပ်တည်း နိုင်ဘူး
ငါ လူညံ့
မာကျောချင်ယောင် ဆောင်တတ်တယ်
ငါ လူညံ့
မျက်ရည် က လက်နက် ဖြစ်မလာဘူး
ငါ လူညံ့
စကားလုံးတွေ ရဲ့ ပစ်ပေါက်မှု ကို နာကျင်တတ်တယ်
ငါ လူညံ့
အမှတ်သည်းခြေကြီးစွာ ညှိုးတေး တတ်တယ်
ငါ လူညံ့
---------------------------------------------------
ငါ -------------
-----------------------------------------------------

                                                                 Thaepon

Friday, September 20, 2013

ငြင်းပယ်သော ချစ်ခြင်း



အခွင့်ရှိပါသလား
အခါသင့်ရင် မေးချင်ပါရဲ့
အခွင့်မရှိ လွမ်းမိတဲ့ရင်
ဘယ်နတ်ဆိုးကမှ ချော့မသိပ်ပါဘူး ။

လွန်လေပြီးသော အတိတ်မှာ
ပြည်ဖုံးကား ချ လို့မရတဲ့ အချစ်တွေရှိတယ်
ဖြစ်နေဆဲ ပစ္စုပ္ပန်မှာ
မေ့လို့မရတဲ့ အလွမ်းတွေ ရှိတယ်
ဖြစ်လာမယ့် အနာဂတ်မှာ
ပျော်ရွှင်ခြင်း ဆန္ဒတွေ ရှိတယ် ။


နှောင်တွယ်နေတဲ့ ကြိုးတမျှင်
ဘယ်လို ဓါး နဲ့ ဖြတ်မလဲ
မပြတ်တဲ့ ရင်မှာ အမျှင်တန်းနေတဲ့ ကြိုးတွေ
အမြစ်တွယ်ပြန်တယ်

နူးညံ့ တဲ့ အတွေး က တလောကလုံးကို လွှမ်းခြုံတယ်
အိပ်စက်ချင်ပေမယ့် တွေးနေမိတဲ့ အတွေးတွေ
မိုးလင်းတာ များနေပြီ
မတောက်ပ တဲ့ အတွေးတွေ နဲ့ တောက်ပခြင်းမေတ္တာတွေ
စာသားတွေ နဲ့ ဘောင်ခတ်ထားတယ်
လရောင်မှာ ချော့သိပ်ခြင်း ခံရတဲ့ အတွေး
ခပ်ကွေးကွေးလမင်း အေးစက်သွားတာတောင်
ငါ့မျက်လုံး မမှိတ်သေးဘူး ။

ဝေးကွာတဲ့ အသိတရား ခပ်လှမ်းလှမ်းမှာ စောင့်နေတာတောင်
ဒီ နှလုံးသားက ၀င်ခွင့်မပေးဘူး
အတ္တဆောင်တဲ့ ဒီ ဒွ န္တယာမှာ
အသည်းနှလုံးသေးသေး လေး ပုန်ကန်နေပုံများ
အံ့သြပါရဲ့-------

ရှာဖွေလေ တွေ့ရှိတဲ့ အလွမ်းတွေ
ဝေးဝေး နှင်ထုတ်တာတောင် အနားမှာ တ၀ဲဝဲလည်
မရသေးတဲ့ အကြင်နာကို ငံ့လင့်နေလေရဲ့
ရယ်သံတွေ ကြားထဲက ဂရုဏာကိုများ မျှော်လင့်နေသေးသလား
ယူ မလာပါနဲ့ မျက်ရည်တွေ လှောင်ပြောင်ရယ်မောသံတွေ
မောပန်းစရာ ပတ်ဝန်းကျင်မှာ အသက်ရှူ ကျပ်ရမယ့် အရာတွေ
ထပ်ပြီး မပါ လာပါစေနဲ့လား ----

အကြောင်းပြချက် မခိုင်လုံပေမယ့်
ခိုင်လုံတဲ့ အရာတွေ များစွာထဲမှာ နှလုံးသားရဲ့ဆန္ဒ ပါဝင်တယ်
အေးစက် တဲ့ အမုန်း ကိုပဲ ဖြစ်ဖြစ် ချစ်ခြင်းရဲ့ အစွန်းတဖက်လို့ ယူဆပြီး
မြဲမြဲ ဆုပ်ကိုင်ထားချင်တယ်
အချစ်နှင့်ပတ်သတ်သမျှ အရာအားလုံး
အမုန်းမှာတောင် မေတ္တာအပြည့်ရှိတယ် ။

သနားတော်မူခြင်းမခံရတဲ့ နှလုံးသား
ခေါင်းမာမာ နဲ့ ဇွဲကောင်းတယ်
နာလို ခံခက် စကားတွေ ကြားမှာ
နှလုံးသားလေး ပုရွတ်ဆိတ် ကိုက်ခံလိုက်ရတယ်
အဆိပ်တတ် အိပ်မက်တွေ နဲ့ အရေခြုံ စကားလုံးတွေကြား
ပြုတ်ကျသံ သဲ့ သဲ့ ကြားလိုက်ရတယ်
အလို ငါ့ ရင်ဘတ် တနေရာ ဟောင်းလောင်း ဖြစ်နေပါပေါ့လား ။                  ။

                                                                         Thaepon

Thursday, September 12, 2013

ပျောက်ဆုံးခြင်း



(၁)
ပုံကြမ်းကောက်ထားတဲ့ ဘ၀
မျှော်လင့်သလို ဖြစ်မလာဘူး
အရောင်ဖျော့ စိတ်ဓါတ်တွေ နဲ့
ပျက်လုလု အကျင့်တွေ
ယိုင်နဲ့နဲ့ ကင်းဗတ်စ် စပေါ်မှာ
လဲ မကျအောင် အားတင်းထားရတယ်  ။

(၂)
မီးထွန်းထားပေမယ့် မလင်းတဲ့အခန်းထဲ
မီးခိုးငွေ့ တချို့ လွင့်ပျံ့တယ်
မွန်းကျပ်တဲ့ သက်ပြင်းတချို့ နဲ့
ည က နေ့ လိုပူတယ် ။

(၃)
နေ အလင်းကို မျက်ကွယ်ပြု
ည ရောက်ဖို့ ဆုတောင်းနေသလို
ကိုယ်ရွေးချယ်တဲ့လမ်း
ဘာကြောင့် ကွေ့ဝိုက် နေရပါလိမ့် ?

(၄)
ပြန်မရနိုင်တဲ့ အတွေးနဲ့
ခပ်ရေးရေး အနာဂတ်ကို လှမ်းမျှော်
ဘာမှ မရေရာတာ သေချာသိနေတော့
ဝမ်းနည်းမိသလိုလို ----

(၅)
စင်းလုံးမချောတဲ့ ဘ၀မှာ
ဘာတွေကိုများ အဆင်ပြေချင်နေသေးပါလိမ့် !!
လောဘကြီးလွန်းရာ မရောက်ဘူးလား
ကိုယ်တောင်မပိုင်တဲ့  ကြမ္မာ
ဘယ်သူကများ ဆေးခြယ်ပေးလိမ့် မလဲ------------

(၆)
အချိန်မှန် လည်ပတ်နေတဲ့  ဘ၀ရဟတ်ထဲ
ယက်ကန် ယက်ကန် စီးဆင်းရင်း
ကုန်သွားတဲ့ အချိန်တွေကို
ပလိုင်းနဲ့ လိုက်ကောက်ချင်မိတယ် ။

(၇)
ဝေးကွာတဲ့ အလှတရား
ခါးသက်တဲ့ ခံစားမှုပဲ ပေးတယ်
ကြယ်တွေ ကြွေနေတယ်
တခါမှ ဆုမတောင်းမိဘူး
မပြည့်ဖူးတဲ့ ဆုတခုအတွက်
ပါးစပ်အညောင်းမခံတော့ပါဘူးလေ---------

(၈)
မြူဆိုင်းတဲ့ နေ့ တနေ့ မြင်မိပြန်တော့
ခပ်ဝါးဝါး အတိတ်က စိတ် ကို လာလာ ဆွ တယ်
နာကျင်မှု များများ ပျော်စရာပါးပါး နဲ့ အတိတ်
ခါချ ပေမယ့် ကွာမကျ ပေဘူး ------

(၉)
သေဆုံးခြင်းများစွာနဲ့ ကျန်ခဲ့တာ အသက် ပဲ ရှိတယ်
ကျဆုံးလေပြီးသော စိတ်ဓါတ်ကို
ခပ်ယဲ့ယဲ့ ခန္ဓာက အလေးမပြုနိုင်တော့ဘူး
အသိအမှတ်ပြုတဲ့ သဘောနဲ့ ယိုင်နဲ့နဲ့ ခန္ဓာ ကို "မတ်"
အော်------------
ပြုတ်ကျ ပြန်ပါပြီ လက်ကျန် စိတ်ဓာတ် ----------
ဝိဥာဉ်ကောင် မထွက်မချင်း
နှိပ်စက် ခံရဦးမဟဲ့
တွေးတိုင်းမျက်ရည်ကျ ဒါလားဟယ် ----- လူ့ဘ၀ ။

(၁၀)
ခြားနားတဲ့ အတွေးတွေ ကြားမှာ
အချင်းချင်း မြှောက်လိုက် စားလိုက် နဲ့
ညီမျှခြင်းတွေ ထွက်မလာခဲ့ဘူး
သူလို ငါလို လူ ထဲမှာ
သူမတူ ငါမတူ လူ
ဘယ်သူ ဖြစ်နိုင်မလဲ?

(၁၁)
ရေးပြထားတဲ့ အဘိဓာန်တွေ
သက္ကရာဇ် တိုက်စားတဲ့ ခေတ်ကာလ ထဲမှာ
ဘာမှ အသုံးမ၀င်ဘူးတဲ့လား
အကြောင်းပြချက် မခိုင်လုံလည်း
အဘိဓာန် က အဘိဓာန်ပဲ  ။

(၁၂)
ဆူညံသံတွေ ကြားထဲမှာ ရင်ခုန်သံ မပါလာဘူး
ဘ၀ တခုလုံးလည်း နားပူနေပါပြီ
"ရော့ " "အင့်" အပေးအယူတွေ ကြမ်းလှချည့်
သံစုံ ဘ၀ ထဲမှာ တီးလုံးသံက မချိုမြဘူး ။

(၁၃)
နာရီ နဲ့ အမျှ မွန်းကြပ်နေတဲ့ လောကကြီးလည်း
မီးခိုးငွေ့ တွေ နဲ့ ပြည့်နှက်နေပြီ
အတွေးတွေ ညပ်နေတဲ့ ဒီအခန်းထဲ
ဘယ်အတွေး တစကများ အထောက်အကူ ဖြစ်စေခဲ့ပါလိမ့် -----------

(၁၄)
ရှည်လျားတဲ့ နေ့တွေထဲ
ဘာကြောင့်များ အနာဂတ်တွေ မည်းမှောင် နေပါလိမ့်
ပျောက်နေတဲ့ လမင်း နေရာမှာ
တိုင်ကပ်နာရီ တစ်လုံး အစားထိုး လိုက်တယ် ။

(၁၅)
ကန့်သတ် ထားတဲ့ ကမ္ဘာထဲမှာ
ကန့်သတ် မထားတဲ့ လူတွေ ဘယ်လောက်များနေပြီလဲ
မြိုသိပ်ခြင်းများစွာ နဲ့ နှုတ်ဆိတ်နေသူတွေ
မွန်းကျပ်ခြင်းများစွာ နဲ့ အော်ဟစ်နေသူတွေ
တုန်လှုပ်ခြင်းများစွာ နဲ့ ရပ်တန့်နေသူတွေ
ကြောက်ရွံ့ခြင်းများစွာ နဲ့ တည်ငြိမ်နေသူတွေ
ရဲရင့်ခြင်းများစွာ နဲ့ သွေးပျက်နေသူတွေ
ငါကရော---------
ဘယ်နေရာမှာ ပျောက်ဆုံးခဲ့ပါလိမ့် ။                ။


                                                              Thaepon



Wednesday, September 11, 2013

မာန ဖြင့် နင်းခြေသော ချစ်ခြင်း







ကျွန်မ ဒီနေ့လို နေ့မျိုး ရောက်လာမယ်ဆိုတာ ကြိုသိနေပါတယ် မောင် ------
ဒီနေ့ ဒီနေရာမှာ သက်ထက်စံ ဆိုတဲ့ ကျွန်မ ငြိမ်သက်စွာ ရပ်နေတာဟာ ကျွန်မ သိပ်ချစ်တဲ့ မောင့် ကြောင့် ဆိုတာ မောင်သိမှာပါ ။

                             *************************************************
ကျွန်မ က သာမန် အစိုးရ၀န်ထမ်း ကျောင်းဆရာ ဖေဖေ နဲ့ မေမေ တို့ ရဲ့ တတိယမြောက် သမီးပေါ့။ ကျွန်မတို့ က မောင်နှမ ငါးယောက်
ကျွန်မ အထက်က ကိုကို နဲ့ မမ၊ အောက်က မောင်လေး နှစ်ယောက်။ ကျွန်မ တို့ မိသားစုဟာ ဖေဖေ့ ရဲ့ အစိုးရလစာ ၊ မေမေ့ ရဲ့ အပ်ချုပ်ဆိုင်လေး က ရတဲ့ ၀င်ငွေ လေးနဲ့ မရှိမရှား သာမာန် မိသားစုလေးပါပဲ။ ကိုကို ခန့်ထက်စံ နဲ့ မမ ထက်ထက်စံ က ကျောင်းပြီးလို့ အလုပ်ဝင်လုပ်ရင်းနဲ့ ကျွန်မတို့ အငယ် သုံးယောက် အတွက် ကျောင်းစရိတ် အထောက်အပံ့ ရစေခဲ့တယ်။
မောင် နဲ့ ကျွန်မ စတွေ့တာက ကျမ တက္ကသိုလ် တတိယနှစ် တတ်သည့် အချိန်မှာပါ။ ကျွန်မက ကျောင်း ကို လိုင်းကား နဲ့ တတ်တယ်။ မောင်က ဆိုင်ကယ်နဲ့ တတ်တယ်။
ကျွန်မ သူငယ်ချင်း စုလဲ့ ကြောင့် မောင်နဲ့ ကျွန်မ စပြီး ခင်မင်ခဲ့ရတယ်။
အဲ့ဒီနေ့က ကျွန်မ နဲ့ စုလဲ့ ကဲင်(န်)တင်းမှာ မုန့်စားနေတုန်း မောင်ရောက်လာခဲ့တယ်။ ကျွန်မ က အရင်ရက် ဖွားဖွားနာရေးကြောင့် ကျောင်းပျက်ခဲ့ရတော့ စုလဲ့ ဆီက စာတွေ ကူးနေတာပေါ့။ မောင် နဲ့ သူ့သူငယ်ချင်း ထိုင်ခုံဆွဲပြီး ထိုင်လိုက်ချိန် တချက်ပဲ မောင့် ကို ကြည့် ခဲ့မိတယ်။ ကျွန်မ အတွက် ကျောင်းစာ က အရေးကြီးနေချိန်ဆိုတော့ စာကိုပဲ ငုံ့ ရေးနေမိတာပေါ့လေ။
‘စုလဲ့’
‘အင်း ပြော ဝေဖြိုး’
‘ငါ နင့်အတန်းဘက်သွားသေးတယ်ဟ မတွေ့လို့ ဒီလိုက်လာတာ’
‘အင်း ဒီနေ့ အတန်း ချိန် မရှိတော့လို့ ထွက်လာတာဟ’
‘စုလဲ့ နင့် သူငယ်ချင်းလား’
‘အင်း သက်ထက် တဲ့ သက်ထက် ဒါ ငါ့သူငယ်ချင်း ဝေဖြိုးမောင် တဲ့’
ကျမ စာရေးနေရင်း မော့ကြည့်လိုက်တယ်
‘ဟုတ် ကျမ သက်ထက်စံပါ’
‘ဟုတ် အသက် လို့ ခေါ်လို့ရမလား’
ကျွန်မ နည်းနည်းတော့ စိတ်ထဲ အလိုမကျ ဖြစ်သွားသည်။ ဘယ်နှယ့် ခုမှ စ သိသိချင်းကို ရဲတင်းလွန်းသည် ဟုထင်သည်။
‘ကျွန်မ နာမည် သက်ထက်စံ ပါ သက်ထက်လို့ ခေါ်နိုင်ပါတယ်’
‘ဟုတ်ပါပြီဗျာ ကျနော့် နာမည် ဝေဖြိုးမောင်ပါ’
ကျွန်မ အသိမှတ်ပြုတဲ့ အနေနဲ့ ခေါင်းတချက်ဆတ်ပြရင်း စာပဲ ရေးနေလိုက်တယ်။ ကြည့်လိုက်မိတဲ့ အချိန်ခဏ မှာ သူဟာ အင်မတန် ကြည့်ကောင်းတဲ့ ယောကျာင်္းလေး တစ်ယောက်ဆိုတာကိုတော့ ကျွန်မ ရင်ထဲမှာ ၀န်ခံခဲ့မိပါတယ်။
*****************************************************
ကျွန်မ တို့ အတန်းရှေ့ ကို မောင် မကြာခဏ ရောက်လာတတ်တယ်။ ရောက်လာတိုင်းလည်း စုလဲ့ဆီ ဆိုတဲ့ အကြောင်းပြချက်ပေမယ့်
သူ့မျက်ဝန်းတွေ ကျွန်မ ဆီပဲ ရောက်နေတတ်တာကို ဘာသဘောလဲ ဆိုတာ သင်ဆရာမလိုတဲ့ မိန်းမတို့သဘာဝ နဲ့ ကျွန်မ သိနေခဲ့ပါတယ်။
အဲ့ဒီနေ့က ကျွန်မ ဘ၀ ရဲ့ အမှတ်တရ နေ့လေးတခုပါပဲ  
အဲ့ဒီနေ့က စုလဲ့ နေမကောင်းလို့ ကျောင်းမလာဘူး။ အတန်းရှေ့ ကို မောင် ရောက်လာခဲ့တယ်။  စုလဲ့ မလာတဲ့အကြောင်း မောင့် ကို ကျွန်မ ထွက်ပြောခဲ့တယ်လေ။
‘ကျနော် သက်ထက် ကိုပြောစရာလေး ရှိလို့ပါ ကျေးဇူးပြုပြီး နားထောင်ပေးပါနော်’
ကျမ ရင်တွေခုန် လိုက်တာ မောင်  ကျမ မောင့် နောက်ကနေ လိုက်လာခဲ့မိတယ် ။
ကျမတို့ ထိုင်နေကျ ခုံတန်းလေး ကိုရောက်တော့-------
‘ကျနော် အသက် ကို အရမ်းချစ်တယ်’
‘ရှင်’
မျှော်လင့်ထားပေမယ့် တကယ်တမ်း ကြားလိုက်ရတဲ့ အချိန်မှာ ကျွန်မ ဟန်မဆောင်နိုင်ခဲ့ဘူးမောင်။
‘ကျနော့် အချစ်ကို လက်ခံပေးပါ အသက်ရယ် နော် နော်’
‘ကျွန်မ စဉ်းစားပါရစေဦး ဝေဖြိုး’
‘ဟုတ် စဉ်းစားပါ အသက် ကျနော် ဘယ်လောက်ကြာကြာစောင့်ပါ့မယ်’
               +++++++++++++++++++++++++++++++++++++++++++++++++++++++++++
         စာမေးပွဲ ပထမ နှစ်ဝက် အတွက်ဖြေပြီးတော့ ကျွန်မတို့ ကျောင်းတွေပိတ်ထားသည်။ ပိတ်ထားသည့် ရက်များအတွင်းမှာ ကျွန်မ တို့ အိမ်သို့ စုလဲ့ နှင့် အတူ မောင် ရောက်ရောက် လာတတ်သည်။ စုလဲ့ ကို အပူကပ်ပြီး ကျွန်မတို့ အိမ် သို့ လိုက်ပို့ခိုင်းသည် ဟု စုလဲ့က ပြန်ပြောပြလေသည်။ မေမေ့ အလစ်မှာ ကျနော် အသက် ကို အရမ်းလွမ်းတာပဲ ဟု ခိုးခိုး ပြောတတ်သော မောင့် ကို ကျွန်မ အဲ့ဒီအချိန်မှာ အသေအချာချစ်ခဲ့မိလေသလား မသိ။
*************************************************************
ကျောင်းတွေပြန်ဖွင့်တော့ မောင် ကျွန်မ ကို အဖြေတောင်းသည်။ ပါးစပ်က မပြောရဲသော ကျွန်မ က မောင့် လက်ဖ၀ါးလေးမှာ အဖြေရေးပေးတော့ အဲ့လက်ကလေး ကို ဖြန့်ဖြန့် ကြည့်နေတတ်သည့် မောင့် ကို ကျွန်မ အချစ်ပိုရပြန်ပါသည်။

‘အသက်’
‘ပြောလေ မောင်’
‘မနက်ဖြန် အသက်မွေးနေ့နော်’
‘အင်း’
‘ဘာလိုချင်လဲ မောင် ၀ယ်ပေးမယ်လေ အသက်’
‘ဟင့်အင်း မလိုချင်ပါဘူး’
‘လုပ်ပြီ အသက်ရာ မောင်က တစိမ်းလားကွာ မောင် ဘာဝယ်ပေးပေး အသက် လက်မခံဘူး’
‘အသက် သူများဆီက ဘာကိုမှ အလွယ်တကူ မလိုချင်လို့ပါ မောင်’
‘မောင်က သူများ လား အသက်’
‘ကိုယ် မဟုတ်ရင် သူစိမ်းပဲလေ’
‘အသက် စကားတတ်လွန်းတယ်ကွာ’
အဲ့ဒီ မွေးနေ့မှာ မောင် ဇွတ် အတင်းစီစဉ်ပေးတဲ့ မွေးနေ့ကိတ် နဲ့ ကျွန်မ မွေးနေ့ ကို ဖြတ်သန်းခဲ့တယ်မောင်။
************************************************
‘မောင် မျက်နှာလည်း မကောင်းပါလား’
‘အင်း’
‘ဘာကိစ္စဖြစ်လာလို့လဲ’
‘မောင်တို့ ကိစ္စ မာမီ သိသွားပြီ အသက်’
‘ဟင်’
တချိန်မှာ မောင့် မာမီ သိသွားမယ်ဆိုတာ ကျွန်မ ကြိုတွေးထားပေမယ့် ဒီလောက် မြန်မြန် သိသွားမယ်လို့ ကျွန်မ မထင်ထားခဲ့တာ အမှန်ပါပဲ။
‘ဘာပြောလဲ မောင်’
‘ဒီလိုပါပဲ အသက်ရယ် မောင့် ကို ငယ်သေးတဲ့ အကြောင်းပေါ့’
‘ဒါပဲလား မောင်’
‘အသက် ကလည်းကွာ’
ကျွန်မ သိပါတယ် မောင် ။ လူတယောက်ရဲ့ အဆင့်အတန်းကို ငွေ နဲ့ တန်ဖိုးဖြတ်တတ်တဲ့ မောင့် မာမီ အကြောင်းကို ကျွန်မ သေချာသိတာပေါ့။
နောက်ဆုံးနှစ် စာမေးပွဲ ဖြေမယ့်အချိန်ထိ မောင့် မာမီ ဆီက ဘာအသံမှ မထွက်လာခဲ့တဲ့အတွက် နုနယ်တဲ့ ကျွန်မ အတွေးမှာ ကျွန်မကို လက်ခံပေးလို့လားလို့ မရဲတရဲ ၀မ်းသာမိသေးတယ်မောင် ။
ဒီနေ့ ကျွန်မတို့ စာမေးပွဲ နောက်ဆုံးနေ့ ။ ခါတိုင်းလိုပဲ စာမေးပွဲခန်းထဲ မ၀င်ခင် မောင် ကျွန်မ ကို လာတွေ့တယ် ။
‘အသက်’
‘အင်း မောင် ပြောလေ’
‘မာမီက အသက် ကို အိမ်ခေါ်ခဲ့တဲ့ အသက်ရ’
‘ဟင်’
‘ဟုတ်တယ် မောင်နဲ့ ညနေကျ တခါတည်း လိုက်ခဲ့နော် အသက် မာမီက ညနေ ခေါ်ခဲ့တဲ့’
ဝမ်းသာအားရပြောနေတဲ့ မောင့် ကို ကြည့်ပြီး ကျွန်မ လည်း ၀မ်းသာသည်ပေါ့ ။ မောင့် မာမီက ကျွန်မ နဲ့ မောင့် ကို သဘောတူလုိ့များလား ဆိုတဲ့ အတွေးတွေ နဲ့ ကျွန်မ အရမ်းပျော်ပါတယ် မောင် ။
စာမေးပွဲခန်းထဲက ထွက်လာတဲ့ ကျွန်မကို အခန်းပေါက်မှာစောင့်နေတဲ့ မောင်က အပြေးလေး လာခေါ်တယ်။
‘လာ အသက် သွားစို့’
‘အယ် အခုလား မောင်’
‘အင်းပေါ့’
‘အင်း အင်း’
ကျမ မောင့် ဆိုင်ကယ် နောက်က လိုက်လာခဲ့တယ်။
‘ကဲ ရောက်ပြီ ဗျာ’
မောင်တို့ခြံဝန်းကြီးက ကျွန်မတို့ အိမ်လေးရဲ့ သုံးဆလောက်ကို ကျယ်ပါတယ် ။ တိုက်ကြီးကလည်း ခမ်းနားလိုက်တာ ။ မောင် တို့ ချမ်းသာတာကို ကျွန်မ သိပေမယ့် ဒီလောက်ထိ ချမ်းသာမယ်လို့ ကျွန်မ မသိခဲ့တာ အမှန်ပါ မောင် ။
‘လာ အသက်’
မောင် က ကျွန်မ လက်ကလေးကို ဖြေးဖြေးလေး ဆွဲပြီး အိမ်ထဲကို ခေါ်လာခဲ့တယ် ။ ဧည့်ခန်းက ဆိုဖာဆက်တီပေါ်မှာထိုင်နေတဲ့ မောင့် မာမီက မောင် တွဲထားတဲ့ ကျွန်မ လက်ကို မနှစ်မြို့သလို စူးစိုက်ကြည့်နေပါလား ။
‘လာ ထိုင် သား’
‘ဟုတ် မာမီ လာ အသက်’
ကျွန်မ ၀င်ထိုင်လိုက်တော့ အိ ခနဲ ဖြစ်သွားတဲ့ ဆိုဖာ ဟာ ကျွန်မ ဒီအသက်အရွယ်အထိ ပထမဆုံးထိုင်ဖူးခြင်းဆိုတာ ၀န်ခံပါတယ် မောင်
‘သား မာမီ့ အခန်းထဲက ဆေး သွားယူပေးစမ်း’
‘ဟုတ် မာမီ’
မောင် ကျွန်မကို အားပေးသလို အကြည့်တချက်ကြည့်ရင်း အိမ်ပေါ်ကို တတ်သွားခဲ့တယ် ။ ခု ဒီ ဧည့်ခန်းထဲမှာ မောင့် မာမီရယ် ကျွန်မရယ် ပဲ ကျန်ခဲ့ပါတော့တယ် ။
‘သက်ထက်စံ’
မောင့် မာမီ အသံကြောင့် ကျွန်မ ဆတ်ခနဲ တုန်သွားသည် ။
‘ဟုတ်’
‘အန်တီက တခြားသူတွေကို စကားကို ကွေ့ဝိုက်မပြောတတ်ဘူး မိန်းကလေး သား ကို ဘာလို့ချစ်တာလဲ’
‘ရှင်’
‘ရှင်းရှင်းပြောမယ်ကွယ် မင်းလို ပညာလေးတခု သားနဲ့ တန်းတူရှိနေတာကလွဲရင် ဘာမှ ကျောထောက်နောက်ခံ မရှိတဲ့ မိန်းကလေး တယောက်နဲ့ သားကို သဘောမတူနိုင်ဘူး  အန်တီ က သား ကို နောက်လဆို သြစတြေးလျ ကို ပညာသင်လွှတ်တော့မှာ သား ရဲ့ အနာဂတ်အတွက် သားကို ဘာမှမဟုတ်တဲ့ မိန်းကလေး တယောက်ကြောင့် လမ်းကြောင်းလွဲသွားမှာ အန်တီမလိုလားဘူး အဲ့ဒါကြောင့် မင်းကို ခေါ်ပြောရတာပဲ မိန်းကလေး ခုကတည်း က သားနဲ့ ကင်းကင်းရှင်းရှင်းနေစေချင်တယ်ကွယ် အို ကုန်ကုန်ပြောမယ် သားရဲ့ ကြွယ်ဝမှုကြောင့် မင်း ဒီလိုကပ်နေတာဆိုရင် မင်း ကို ငါ ငွေ ဘယ်လောက်ပေးရမလဲ’
ပူ ခနဲ ဖြစ်သွားတဲ့ မျက်နှာမှာ နားထဲ ကို ညင်သာစွာ မစီးဝင်တဲ့ မောင့် မာမီရဲ့ စကားတွေက ကျွန်မ ရဲ့ မာန တရားကို နှိုးဆွ လာခဲ့ပြီမောင် ------
‘ပြီးတော့ မင်း မိဘ တွေ နဲ့လည်း ငါတွေ့ခဲ့ပြီးပြီ ဒီလို အဆင့်အတန်းမျိုး နဲ့ ငါ့သားကို သဘောမတူနိုင်ဘူးဆိုတာ ပြတ်ပြတ်သားသား ငါပြောပြီးပြီ မိန်းကလေး’
အို----- ကျွန်မ မိဘတွေ အထိပါ ကျွန်မကြောင့် အစော်ကားခံရပါလား ။
‘မိန်းကလေး တယောက်ကို မွေးထားတဲ့ မိဘ တွေ အနေနဲ့ ကိုယ့်သမိးကို ထိန်းသိမ်းဖို့ ငါ သတိပေးထားပြီးပြီ အခု မင်းကို ခေါ်တွေ့တာက မင်း ကိုယ်တိုင် ငါ့သားနဲ့ ကင်းရှင်းသွားဖို့ပဲ သက်ထက်စံ’
ကျွန်မ ညင်သာစွာ ထရပ်လိုက်တယ် စိတ်ထဲက အတိုင်းသာဆို ၀ုန်း ခနဲ မြည်အောင် ထရပ်ပြီး ရင်ထဲက ဒေါသနဲ့ မာနတရားကို ပြမိမှာပါပဲ ။ ဒါပေမယ့် လူတယောက်ရဲ့ အဆင့်အတန်း ဆိုတာကို ငွေနဲ့ပဲ တိုင်းတာချင်တဲ့ မောင့် မာမီကို လူယဉ်ကျေးတယောက်ရဲ့ တကယ့်အဆင့်အတန်းဆိုတာကို ကျွန်မ ပြချင်တယ် မောင် -----------
‘အန်တီ ကျွန်မ မေးပါရစေ လူတယောက်ရဲ့ အဆင့်အတန်းဆိုတာကို ဘာနဲ့တိုင်းတာပါသလဲရှင် ကျွန်မ တို့လို အဆင့်အတန်းဆိုတဲ့ စကားရဲ့ အဓိပ္ပါယ်ကို ကျွန်မ နားမလည်လို့ပါ’
‘ဟင်း ဟင်း အေးပေါ့လေ မင်းတို့လိုလူမျိုးတွေက ဒီလို စကားအတွက် ဆတ်ဆတ်ခါ နာတယ် ဆိုတာ ငါ နားလည်ပြီးသားပဲ’
ကျွန်မ တချက်တော့ ပြုံးလိုက်မိပါရဲ့ မောင် ။ စိတ်ချပါ အန်တီ ဒီစကားတခွန်းက ကျွန်မ အတွက် ဆတ်ဆတ်ခါ နာစေတယ်ဆိုတာ သိထားရင် ကျမရဲ့ စကားတွေ အတွက်လည်း အန်တီ ဆတ်ဆတ်ခါ နာစေရပါမယ် ။ သက်ထက်စံ ဆိုတဲ့ ကျွန်မ က ဘယ်တုန်းကမှ သူများ ရဲ့ စကားတခွန်းမှာ မကျဆုံးတတ်ဘူး ရှင့် ။
‘ကျွန်မ ဒီကို ရောက်လာတာဟာ အန်တီက တွေ့ချင်တယ်ဆိုလို့ လူကြီးတယောက် ကို လေးစားသမှုနဲ့ ကျွန်မရောက်လာတာပါ အန်တီ ထင်မှတ်မထားတာက ဧည့်သည်ကို အိမ်ရှင်က စော်ကားမယ်လို့ မထင်ထားတာပါပဲ အဲ့ဒါတွေ အားလုံးထက် လူကြီးလူကောင်းအဖြစ် ကိုယ့်ကိုကိုယ် သတ်မှတ်ထားတဲ့ အန်တီက ဒီလိုအလုပ်မျိုးလုပ်မယ်လို့ တွေးမထားမိတာပါ ပြီးတော့ ကျွန်မ ဝေဖြိုးရဲ့ အနာဂတ် အစီအစဉ်တွေကို စိတ်မ၀င်စားဘူးအန်တီ သူ့ နောက်က စည်းစိမ်ချမ်းသာကို စိတ်ဝင်စားဖို့ ဆိုတာ အဝေးကြီးပါ အန်တီ့ အနေနဲ့လည်း အန်တီ့ သားကို ကျွန်မ နဲ့ သဘောမတူသလို ကျွန်မ မိဘတွေကလည်း လူတိုင်းကို မတူတန်သလိုသဘောထားတတ်တဲ့ ဘ၀င်မြင့်မိသားစုရဲ့ သားနဲ့ ကျွန်မ ကို သဘောမတူပါဘူး အန်တီ ကျွန်မ မိဘ တွေကို အန်တီ သတိပေးခဲ့သလို ကျွန်မ ကလည်း သတိပေးလိုက်ပါရစေ ကျွန်မ ရှိတဲ့ပတ်ဝန်းကျင်မှာ အန်တီ့ ရဲ့ အဖိုးတန်လှစွာသော သားကို အရိပ်လေးတောင်မှ မမြင်ရအောင် အန်တီက ထိန်းသိမ်းပေးပါ ခွင့်ပြုပါဦး အန်တီ’
‘အောင်မာ လူပါးဝလို့ နင်ကများ’
‘အော် တခုထပ်ပြောပါရစေဦး အမြင့်ကနေ ကြည့်တဲ့ အန်တီ့အနေနဲ့ ကျွန်မ တို့ကို သေးသေးလေးလို့ မြင်သလို အနိမ့်က ကြည့်တဲ့ကျွန်မ တို့အတွက်လည်း အန်တီက အစက်ကလေးတစက်ပါပဲ’
ကျွန်မ ကျောခိုင်းပြီး ထွက်လာခဲ့တယ် မောင် ။ မောင်တို့အိမ်ရဲ့ ဧည့်ခန်းမှာပဲ ကျွန်မ မောင့်ကို ချစ်တဲ့အချစ်တွေ ချန်ထားခဲ့ပါတယ်မောင် ။  လှည့်ထွက်လာတုန်းမှာ မျက်ဝန်းထောင့်စွန်းမှာ မောင့်အရိပ်ကို လှမ်းတွေ့လိုက်ပေမယ့် ကျွန်မ မကြည့်တော့ပါဘူးမောင် ။ မောင် နဲ့ပတ်သတ်တဲ့ သံယောဇဉ် အချို့ကို မောင့် ခြံဝန်းတံခါးမှာ ကျွန်မ ချိတ်ခဲ့ပါပြီ  
                   +++++++++++++++++++++++++++++++++++++++++++++++++++++
‘အသက်’
ကျွန်မ ဈေးဝယ်နေတုန်း နောက်က လှမ်းခေါ်လိုက်တဲ့ မောင့် အသံကို ကြားလိုက်ရတယ် ။ ဟင့်အင်း လှည့်မကြည့်ချင်ပါဘူး မောင်ရယ် ကျွန်မ မောင်နဲ့ ပတ်သတ် ဖို့ကို ကြောက်လို့ပါ ။
‘အသက်  မောင် ခေါ်တာကို အသက်ရယ်’
‘ကျွန်မ ရှင် နဲ့ မပတ်သတ်ချင်ဘူး ဝေဖြိုး ကျွန်မ နားမှာထပ်ပေါ်မလာပါနဲ့’
‘အသက်ရယ်’
ရပ်ကျန်နေခဲ့တဲ့ မောင့်ကိုကြည့်ရင်း ကျွန်မ လည်း ခံစားရပါတယ်မောင် ။ ဒါပေမယ့် မောင်ရယ် ကျွန်မ ကို အပြစ်မတင်ပါနဲ့ ဘာကိုမှ မပိုင်ဆိုင်ထားတဲ့ကျွန်မ မာနလေး တခုတော့ ကျွန်မ အသက်ဆုံးတဲ့ထိ ပွေ့ဖက်ထားချင်တယ် မောင် …………။                  


                                                                                                                               Thaepon





ဘလော့ဂါ များ၏ ပို့စ်များ

Flash သီချင်းများ ရယူနိုင်သော နေရာလေးတွေ