အာဘွား ၀ိုင်းစုခိုင်သိန်း

မသေနိုင်သော

ဒီနေ့ ကိုကို နဲ့ စကားပြောဖြစ်တယ်
'နေကောင်းလား ညီမလေး' တဲ့
'ဟုတ် နေကောင်းပါတယ်'
တော်တော်ကြာကြာ နှုတ်ဆိတ်သွားပြန်တယ်
ကိုကို နဲ့ ကျမ ကြားမှာ အဲ့ဒီလိုပါပဲ ပြောစရာ စကားလုံးတွေ ပါးရှားလွန်းပါတယ်
ဘာရယ်မဟုတ်ဘူး ပတ်ဝန်းကျင် ကို လိုက်ကြည့်နေမိတယ် တကယ်တမ်း ကြည့်ချင်နေတာက ကိုကို့ မျက်နှာကို ကြည့်ဖြစ်တာက ပတ်ဝန်းကျင်ကို ဟင် ------- ဒီနေရာက
'အဆင်ပြေလား ညီမလေး'
'ဟုတ်ကဲ့'

ဟုတ် ထပ်ပြီး တိတ်ဆိတ်သွားပြန်ပါတယ် တကယ်က ကိုကို့ကို ပြောပြချင်တာတွေ အများကြီး
ကိုကို မရှိတော့ ယောင်ချာချာဖြစ်နေတာ
ကိုကို့ကို လွမ်းနေတာ
ကိုကို့ ကို တမ်းတတာ
ကိုကို အနားမှာမရှိမှ ပိုချစ်လာတာ
 အခု ကိုကို့စကားကို နားထောင်ပြီး လိမ္မာနေပြီဆိုတာ
ကိုကို့ကို မျှော်နေတာ
ကိုကို ရော နေကောင်းရဲ့လား
ကိုကို ပိန်သွားတယ်
ကိုကို ညီမလေးကို သတိရ ရဲ့လား
အရင်ကလိုရော ညီမလေးကို ချစ်သေးလား

အဲ့ဒီလို တရစပ်မေးခွန်းတွေ ကို ကိုကိုက ပြုံးပြီးနားထောင်နေပြီးမှ
ချစ်တာပေါ့ ညီမလေးရယ်
ကိုကိုလည်း အရမ်းလွမ်းတာပေါ့   ညီမလေး အရမ်းဆိုးလည်း ကိုကိုက ချစ်မှာပဲ
ခု လိမ္မာသွားပြီဆိုတော့ ပို ချစ်မှာပေါ့ ညီမလေးရဲ့ ဆိုပြီး ခေါင်းကလေးကို လက်နဲ့ အုပ်မိုးကိုင်ပြီး ဆွဲခါလှုပ်လိုက်တယ် ပြီးတော့ လက်ကလေး ကို တယုတယ ကိုင်ပြီး ကိုကို နောက်ဆို ကလေးကို ခွဲမသွားတော့ဘူးနော် လို့ ကတိပေးမယ်-----------

'ကိုကို ပြန်တော့မယ် ညီမလေး'

ဟင် အတွေးတွေလား အဲ့ဒါဆို ကျမ အတွေးတွေ ဖြစ်မလာဘူးပေါ့နော် 
မသွားပါနဲ့ ကိုကိုရယ် ညီမလေး နားက ထပ် ထွက်မသွားပါနဲ့လား ဘာလို့ ထွက်သွားမယ့် စကားလုံးမျိုးကို ပြောထွက်ရက်တာလဲ ကိုကိုရယ် ညီမလေး တားပါရစေနော် ကိုကို နဲ့ အဝေးကြီးမှာမနေနိုင်လို့ပါ

'အခု နေကောင်းအောင် ပျော်အောင်နေနော် ညီမလေး ကိုကိုမကြာမကြာ လာမှာပေါ့ ညီမလေးရယ်'

'ဟင့်အင်း မနေချင်ပါဘူး ညီမလေး ပျော်နေရင် ကိုကို က ထပ်လာမတွေ့တော့ဘူးမလား ပြီးတော့ကိုကို မရှိပဲ ညီမလေးမပျော်ပါဘူး ကိုကိုရယ်'
ကျမ ကိုကို့ကို နောက်ကနေ သိုင်းဖက်လိုက်တယ် ။
ဟင်
 ကိုကို လှည့်ထွက်သွားပြီ ကိုကို့ နောက်ကို ကျမ အပြေးလိုက်သွားမိတယ် ။
ကိုကိုရေ ကိုကိုရေ ညီမလေး ကို တခါတည်းခေါ်သွားပါ ကိုကိုရယ် ညီမလေး တယောက်တည်းမနေခဲ့ချင်လို့ပါ
------------

ဟော ကိုကို ကားနားရောက်နေပြီ သူ့သူငယ်ချင်းက တံခါးနားမှာစောင့်နေတယ် ကျမ
မြန်မြန်လိုက်မှ ရမယ်  ကိုကိုလည်း ကျမ ကို ထားခဲ့ရတာ စိတ်မကောင်းသလိုပါပဲ ခေါင်းငိုက်စိုက် နဲ့
ဟင် ကိုကို့မျက်လုံးတွေမှာ မျက်ရည်စတွေနဲ့ပါလား ။

'ငါ့ကြောင့် ငါ့ကြောင့် ညီမလေးကို ငါဂရုမစိုက်ခဲ့လို့ပါကွာ'
'မဟုတ်တာသူငယ်ချင်းရာ ကံကြမ္မာက ဒီလိုဖန်လာတာပဲ လက်ခံရမှာပေါ့ကွာ သေတဲ့သူလည်းသေပြီ ငါတုိ့လုပ်ပေးနိုင်တာက သီရိ ကို ကောင်းမွန်ရာ ရောက်အောင် နောက်ဘ၀မှာ ဒီလိုဝေဒနာမခံစားရအောင် လုပ်ပေးရုံပဲလေကွာ'

ဟင် သူတို့ဘာတွေ ပြောနေတာလဲ ??
ကျမ ခုန ကိုကိုနဲ့ စကားပြောခဲ့တဲ့နေရာလေးကို ပြန်သွားလိုက်တယ်
ဟင်

  မသီရိလင်း
အသက် (20)
- / - / -  ကွယ်လွန်သည် ။


                                                              Thaepon

ပြန်လည် လွမ်းဆွတ်ခြင်း

ကြာပြီပဲ
ပျောက်ကွယ်သွားသင့်ပါပြီ
ခံစားမှု ရသတွေ အလီလီ နဲ့
နှလုံးသားလည်း အတောင်ညောင်းပြီ
အိတ်သွန်ဖာမှောက် ခံစားလိုက်ရတာ
ခုချိန် လက်ကျန်တောင် မရှိသလောက်ပဲ
မျှော်လင့်တဲ့ အချိန်မှာ မတွေ့လိုက်ရတော့
တွေ့လိုက်တဲ့အချိန်မှာမမျှော်လင့်ချင်တော့ဘူး
လွမ်းရဲတယ် ထင်လို့ ထားခဲ့တာလား
ထားခဲ့လို့ လွမ်းရဲခဲ့တာလား
မရေရာ ဒွိဟတွေကြားမှာ အလွမ်းတွေ ရင့်သီးလို့ ရိတ်သိမ်းချိန်တောင် ရောက်လာပေါ့
စိုက်လိုက်တော့ အချစ် ပွင့်လာတာ အလွမ်း
ဒီလိုမှန်းသိရင် ဒီအပင် ငါ ဘယ်စိုက်မလဲ
ခုတော့ သီးထပ် သီးညှပ်တွေနဲ့ အလွမ်းတွေ ဝေဆာလာလိုက်တာ
နင့်သီးတဲ့ အလွမ်းတွေ ခံစားရတိုင်း
ကျူးပစ်ကိုပဲ မေတ္တာပို့မိတော့တယ် -----------------------

ဆွေး

ဆွေး

သံယောဇဉ် အမျှင်တန်းကို

ရှင်ခန်းဘယ်သူဖြတ်နိုင်ပါ့

ပူတတ်သူ တစ်သက်လွမ်းေ၇ာ့ လို့ 

လက်ကမ်းက ဝေဒနာမျှချင်လည်း

ဘ၀နွေ အနုသယတောမှာ

သမုဒ်ဒယအမော တစ်ဇာတ်သိမ်းအောင်

(အခုတော့ …)ခပ်စိမ်းစိမ်းနေပါ့မယ်.

မောင်စိန်ဝင်း(ပုတီးကုန်း)
 

သောကခြေရာ

 

 

 

သောကခြေရာ

တစ်သက်တာ ထာဝရ၊
တစ်မျက်နှာသာ တစ်ဘဝလို့ထင်ပါတယ် … ။
သူမေ့စေတော့ရယ်လို့၊...
မတွေ့အောင် တမင်ထိန်း၊
ခပ်စိမ်းစိမ်း နေပါမယ် … ။

တစ်နေ့တစ်ရက်တောင်မှ၊
အတွေ့ခက်လျှင် ဘယ်လိုမျှော်လို့၊
ဘယ်လိုနော် ရင်မှာရှိလေမလဲ၊
သူသိမယ်ထင် ထင်ရဲ့၊
ခင်ခင်ရယ် သည်ရင်ကျွမ်းပြီပေါ့၊
အလွမ်းဆုံး နေ့တွေရယ်၊
မေ့နေမယ်လို့ ထင်သလား … ။
အနေဝေးပေမယ့်၊
အတွေးမှာ နှစ်ကိုယ်ဆုံရဲ့၊
ဘယ်လိုပုံ ဘယ်လိုလွမ်းတယ်ကွယ့်ရယ်လို့၊
ဖွဲ့နွဲ့ကာ သောကဇာတ်ကိုလည်း၊
ပြောပြတတ်လျှင် သူငိုချင်မလား၊
ငြိုငြင်လျှင် ကိုယ့်အပြစ်ပါပဲ၊
သိပ်ချစ်သူ သူစိမ်းရုပ်နဲ့၊
ထိမ်းချုပ်စေသား။ ။
--------------------
မောင်စိန်ဝင်း (ပုတီးကုန်း)