ဒီလို ညတိုင်း
ယောင်ချာချာနဲ့
အအိပ်ပျက် အိပ်မက်တွေ ကြီးစိုးတယ်
နိုးတ၀က် အိပ်တ၀က် အတွေးတွေ နဲ့
အနံ့အသက် မကောင်းတဲ့ အခန်းကြီးထဲ
ငါ တယောက်တည်းလား
အခြားသူတွေရော ရှိနေမလား
တခါတရံ
ဝိဥာဉ် အချို့ နဲ့ စကားပြောကြည့်တယ်
သူတို့မှာ ဖြူစင်ခြင်းအချို့ ရှိကြ
အားငယ်ခြင်း အချို့ နဲ့ ဒေါသ အချို့လည်း ရှိရဲ့
သူတို့ဟာ ငါ့အတွက်တော့ မိတ်ဆွေဖြစ်တယ်
တခါတရံ ပြတင်းပေါက်တွေနဲ့ စကားပြောကြည့်တယ်
သူတို့မှာ လွတ်လပ်မှု ရှိတယ်
လတ်ဆတ်တဲ့ အတွေးတွေ နဲ့ ပျိုမြစ်တဲ့ လေတွေလည်း ရှိရဲ့
သူတို့ဟာ ငါ့အတွက်တော့ ရှင်သန်ခြင်းအကြောင်းတရားဖြစ်တယ်
တခါတရံ
ချစ်သူ နဲ့ စကားပြောကြည့်တယ်
သူ့ဆီမှာ လျို့ဝှက်မှုတွေ ရှိတယ်
မချိုမြတဲ့ အပြုံးနဲ့ လိမ်ညာတတ်တဲ့ မျက်ဝန်းတစုံလည်း ရှိရဲ့
သူဟာ ငါ့အတွက်တော့ နားမလည်နိုင်တဲ့ ပုစ္ဆာတစ်ပုဒ်ဖြစ်တယ်။
သုကြာ
Good
ReplyDelete